سنة 2022 شركة ميتا (فيسبوك سابقاً) نشرت إعلان (case study) على صفحتها عن شركة إسمها lalo، بتقول فيه إن شركة Lalo قدرت تضاعف عدد المبيعات (conversion) لـ 3 مرات أكتر عن المعدل الطبيعي بتاعها من خلال الرسائل عالماسنجر وده بسبب إستخدامها لميزة الأسئلة المتكررة / الشائعة (Ice Breaker)؛ وبالتالى قدرت إنها تحقق مبيعات 3 مرات أكتر عن طريق إستخدام الميزة دي.
شركة Lalo حققت 3 أضعاف مبيعاتها لما استخدمت ميزة واحدة فقط من الـ 10 مميزات اللى هنتكلم عنها النهاردة فى الشات بوت تفتكر النتيجة هتكون إيه لو أنت إستخدمت الـ 10 مميزات ( من ضمن مميزات الشات بوت) اللى هنتكلم عنهم في المقالة دي.
عمل الأسئلة الشائعة (Ice Breakers).
بداية رحلة العميل معاك بتكون عن طريق الصفحة بتاعتك لو لقى الحاجه اللى بيسال عليها بسهولة وكانت تجربة كويسة ده هيخليه يكمل شات وبالتالي يكمل شراء
الفكرة إن العميل لما بيكلمنا أول مرة بنبعتله أسئلة ممكن يحتاج يعرفها فى أول مرة يتعرف على البراند عشان نكسر الحاجز وياخد الخطوه اللى بعدها زى مثلا تعريف سريع عن الشركة ، تحب تعرف عروضنا؟، المنتجات الاكثر مبيعاً، تفاصيل عن صناعة المنتج وخاماته،….الخ
الأول لازم أقولك ليه اسمه ice breaker ،مصطلح الـ ice breaking موجود فى علوم المبيعات والمقصود بيه كسر الحاجز بين المسؤول عن المبيعات والعميل لتسهيل عملية البيع؛ الـ ice breaker فى الشات بوت تقدر تقول إنه بيعمل نفس الوظيفة تقريباً عشان كده سميناه كده
طيب ازاى تقدر تفعل الأسئلة الشائعة على المنصة بتاعتنا؟
تطبيق نظام الـ Sequence
عمرك طلبت من براند معينة حاجه ولقيتهم تواصلو معاك تانى بعدها سواء بعتولك عرض مميز مناسب لاحتياجاتك أو طلبو رأيك فى المنتج ….الخ
من أهم المميزات الى بيقدمها الشات بوت هو ال sequence او الرسائل المتتاليه اللى بتخليك تقدر تبعت للعميل رسالة بعد وقت معين من اكشن أخده العميل، مثلاً
- تجميع بيانات العملاء
- استطلاع آراء العملاء
- الترويج لمنتج أو خدمة جديدة..وغيرهم من المميزات الكتير تقدر تعرف أكتر 10 مميزات للسيكونس
من مقالة “10 طرق لإستخدام الـ Sequence”
إستخدام طرق إعادة الأستهداف العملاء مثل Recuring notifcation ، one time notifcation !!
الاحصائيات بتقول ان نسبة من 2:4 % بس من العملاء الى بيسألو على المنتج بتاعك بعد الاعلان هما الى بيشترو فعلا
طيب هل الباقى كده خلاص لا الباقى فى نسبة كبيرة منه ممكن ترجع تشترى منك تانى بس على المدى الطويل
وده هيحصل بس بشرط واحد وهو إنك تعمل إعادة إستهداف للعملاء اللى مشتروش منك
عن طريق الميزتين دول لو عاوز تعرف أقدر تقدر تسمع الشرح من هنا.
ربط نظام الإيميل التسويقى (E-Mail marketing) مع الشات بوت.
التسويق بالبريد من أهم الأدوات اللى ممكن تستخدمها عشان تسوق لمشروعك بس مع الأسف هو مش بيكون مناسب لكل الانشطة بس لو مناسب لطبيعة شغلك هيكون فعال جداً فى زيادة المبيعات، ولأن هدفنا إننا نوفر لك جميع الآليات اللي ممكن تساعدك في تطوير شغلك خلال عشان كده عملنا integration مع منصات التسويق بالبريد الالكتروني زى MailChimp.
ربط متجرك أو موقعك الإلكترونى مع الشات بوت.
تقدر بمنتهى السهولة تربط البوت بالمتجر الإكلترونى الخاص بيك عشان تقدر تتواصل مع العملاء اللى هيزورو الموقع بسهولة وسرعه عن طريق البوت والربط بين البوت و الإيميل – SMS
غير طبعاً إنه بيسهل عليك متابعة الطلبات من تأكيد الطلب للشحن والاستلام
تفعيل حملات الرد الألى على الكومنتات وإرسال الرسائل الأوتوماتيكية.
طبعاً انت بتشغل إعلانات على الصفحة بتاعتك وبيجيلك رسايل وتعليقات كتير وبتكون محتاج وقت عشان ترد على كل تعليق وتبعت ليه رسالة مناسبة لإستفساره وده بياخد وقت ومجهود كبير منك عشان كده أنا هقولك تحل ده إزاى مع الشات بوت اللى بيقدملك ميزة الرد الآلى على الكومنتات وتقدر تعرف الخطوات من هنا واحدة واحده.
تفعيل ميزة إخفاء التعليقات على المنشورات.
طبعاً أكيد عارف إن فى طرق ملتوية بيستخدمها المنافسين بتوعك عشان يتواصلو مع العملاء ويعرضو عليهم اوفر أفضل..إلخ، كمان ممكن يكون فى بعض العملاء بيتكلمو بشكل مسئ عن منتجك وفى الحالة دى إنت محتاج تخفى التعليق بتاعهم عشان ميأثرش بالسلب على مبيعاتك عشان كده الشات بوت ممكن يقدملك خدمة إخفاء التعليقات.
إنشاء نماذج إستطلاع رأى للمستخدمين.
ميزة تجميع إستطلاع رأى للمستخدمين من أهم المميزات اللى ممكن تساعد العملاء على تجميع آراء العملاءء وإتخاذ القرارات السليمه بالاعتماد على آراء العملاء. الميزة دى بتساعدك تاخد رأى العملاء فى خدمات/ منتجات سواء استطلاعات رأي بسيطة أو معقدة حسب احتياجك، وتقدر تبعتها للمستخدمين من خلال ميزة الـ Sequence
إستخدام ميزة الـ Condition Reply.
عارف إنك تقدر فى الشات بوت تبعت الرد بناء على العميل نفسة يعنى لو مثلا العميل بنت تبعتله رد معين ولو ولد تبعتلة رد تانى لو العميل كان بعتلك رقمه مثلا قبل كده تبعتله رسالة بتأكد فيها من رقم تليفونه، بحيث متطلبش منه الرقم كل مرهيطلب أوردر؛ وكذلك الإيميل.
كل دى تكتيكات فى البيع طبعا عشان تكتسب ثقة العميل وبالتالى تزود مبيعاتك.
ربط الشات مع برامج الذكاء الإصطناعى مثل Open AI ، Dialog Flow.
الذكاء الاصطناعي طفرة كبيرة فى الشات بوت لأنه بيعتمد بشكل أساسى عن الـMachine learning فى معالجة اللغة يعنى باختصار الشات بوت هنا بيقوم بتدريب نفسه على قواعد البيانات وعلى المحادثات مع العميل علشان يوصل لأفضل نتيجة، وبالتالى بيقدم خدمة بجودة أعلى بناء على سلوك العميل.
