مع تزايد إستخدام الشات بوت وإنتشاره بين المسوقين وأصحاب المشاريع الأونلاين، إنتشر بعض الشائعات الخاطئة أو المعلومات الغير كاملة عنه، فى المقالة دى هنتناول الشائعات دى وهنحاول توضيحها والإجابة عنها.
شائعة إن الشات بوت يتسبب فى حظر الصفحة:
لا، في العادة الشات بوت مش بيتسبب فى حظر الصفحة فى حد ذاته، طالما إن المنصة مدعومة من الفيسبوك، مثلاً منصة بوت شادو معتمده من قبل سياسات الفيسبوك وخاضعه لمراجعة الفيسبوك.
بالرغم من كده ممكن يحصل حظر لبعض العملاء أو حظر مؤقت للصفحة أو حظر ماسنجر للصفحة بالكامل؛ وده بيكون بسبب إنك بتبعت كتير للعملاء بتوعك ويبدأو يعملولك بلوك وبالتالى الفيسبوك بيقرأ إنك مزعج ويعمل حظر مؤقت بس متقلقش كل حاجه ليها سبب وهنوضحها علشان تتجنب تقع فيها بس لازم تاخد إحتياطاتك عشان تتجنب أى مشاكل محتملة؛ يعنى مثلاً المشكلة دى حلها إن فى فى لوحدة التحكم بتاع منصة الشات بوت(بوت شادو) حاجه إسمها Subscribe/Unsubscribe لو تابعتها هتعرف إمتى تبعت رسائل وإمتى توقف.
في بعض الحالات، لو كان الشات بوت بيبعت رسائل متكررة ممكن تتصنف كـ spam او انها مزعجة أو إنتهاك لسياسات الفيسبوك وبالتالى ممكن تتسبب فى حظر مؤقت للصفحة؛ بسبب إنتهاك سياسات الفيسبوك عشان كده لازم تتأكد من إن الشات بوت اللى بتستخدمه بيلتزم بالمعايير والسياسات الخاصة بالفيسبوك.
أو مثلاً لو كنت بتستخدم أحد مميزات الشات بوت زى ميزة (SEQ/RCN/OTN) وبتبعت رسائل للعملاء سواء ترويجيه أو غير ترويجية، لو بعت رسائل ترويجية على إعتبارها إنها غير ترويجية ممكن الفيسبوك يقرأها كـ spam او مزعجه وده تم شرحناه بالتفصيل فى الفيديوهات.
عارفة إنك ممكن تكون إتخضيت شويه بس متقلقش الحالات دى نادره جداً وتقدر تتجنبها بكل سهولة يعنى مثلاً فى منصة بوت شادو مفيش ولا عميل اخد حظر.
نصائح لتجنب مشكلة حظر الصفحة:
- تجنب الإرسال المزعج والمتكرر للرسائل على فترات قريبة لنفس العملاء .
- تجنب إرسال رسائل غير مرغوب فيها أو مسيئة.
- إستخدم ميزة الـ SpinTax (اللى هتوفرلك ردود مختلفه لنفس الموقف يعنى مثلاً لو فى تعليقات كتير بتسأل عن حاجة معينه هترد على نفس التعليق بطرق مختلفه عشان الفيسبوك ميقرأش إن فى إنتهاك للسياسات وان دى تعليقات مزعجة)
- تفادى استخدام أي رسائل ترويجية غير ملائمة أو مخالفة لسياسات فيسبوك.
- تأكد من مراجعة سياسات فيسبوك وإن الشات بوت ملتزم بسياساته.
- (بوت شادو معتمدة من قبل سياسات الفيسبوك وخاضعة لمراجعة الفيسبوك)
- بشكل عام، لازم تختار منصة شات بوت ملتزمة بالسيايات وقواعد ومراجعة الفيسبوك وبالتالى هتتجنب تماماً حظر الفيسبوك.
شائعة إن الشات بوت يؤثر على زيادة تكلفة الإعلان:
الشات بوت هو أداة لو أتقنتها وإستخدمتها صح هتأثر بشكل إيجابى وفعال ولو مأتقنتهاش هتأثر بشكل سلبى ولكن برضو هقولك على شوية نصايح تزود من كفاءة الشات بوت بحيث يقلل تكاليف الإعلانات ويزود المبيعات:
- توجيه العملاء للمعلومات المطلوبة وإتخاذ قرار الشراء
- رد سريع على العملاء
- زيادة مشاركة العملاء
أما بشكل مفصل أكتر على لتكلفة الإعلان
الشات بوت مش بيأثر على تكلفة الإعلان بس بشكل مباشر ولكن ممكن يأثر بشكل غير مباشر عن طريق
استخدام الشات بوت بشكل فعال وبالتالى يزود التفاعل بالتالى عدد المبيعات أو العملاء المحتملين بيزيد، وده ممكن يزود المحادثات وبالتالى المبيعات والعائدات المالية. عشان كده الشات بوت مش بيزود تكلفة الإعلانات بدون سبب.
الشات بوت بديل عن المودريتور:
بعض الناس بتفتكر إن الشات بوت هيكون بديل للموديريتور بس لحد النهارده مفيش نوع من أنواع الشات بوت قدر يحل محل العنصر البشري ،وده لإن فى بعض الاسئلة بتحتاج تدخل بشرى وده بيفرق على حسب طلب العميل وطبيعة المجال نفسه، بالرغم من كده الشات بوت بيلعب دور مهم جداً فى تخفيف الضغط على المودريتور وبيحول ليهم المحادثة فى حالة صعوبة الرد عليها وده بيسمح للموديريتور التركيز على الرسائل المهمة بس أو تقفيل البيعة؛ عشان كده الشات بوت مش بديل عن المودريتور.
الشات بوت يحتاج اللى مبرمج
تصميم الشات بوت بشكل عام مش بيحتاج مبرمج، ولكن تصميم الشات بوت بيختلف من منصة لمنصة (بوت شادو من أسهل المنصات اللى بتوفر واجهة سهلة وكمان بتوفر شروحات تساعدك على إستخدام الشات بوت ومميزاتة المختلفة) وبالتالى الشات بوت ولكن ممكن ياخد وقت فى تصميمة حسب مجالك وإحتياجات العملاء.
الشات بوت يعتمد على الذكاء الإصطناعى
فى الحقيقة الشات بوت أكثر من نوع، وأكبر من إننا نحصره فى نمط واحد فمثلاً:
1- الشات بوت المستند الى قواعد البيانات أو معرف بإسم شات بوت شجرة القرار (Rule-Based Chatbot): النوع ده من الشات بوت قايم على قاعدة IF يعنى باختصار بيعتمد على توقع أسئلة العملاء وتخزينها فى الشات بوت على شكل سؤال وجواب، وبناء عليه لما العميل يكلم الشات بوت بيبدأ الشات بوت يحلل سؤال العميل وبيختار السؤال الأكثر تطابقا من قاعدة البيانات ثم الرد على العميل بالإجابة.
مش شرط الإجابة تكون على شكل نص ممكن تكون الإجابات عبارة عن نص أو صور أو فيديو أو أزرار أو ردود سريعة … إلخ، وممكن تستخدم أكتر من شكل فى نفس الوقت مثل صورة مع نص ..وغيره، والهدف هوتقديم أفضل تجربة للمستخدم بناءاً على احتياجه، وده النوع المنتشر فى الوطن العربى
2- الشات بوت المعتمد على الذكاء الاصطناعي (AI-Powered Chatbot): بتعتمد بشكل أساسى عن الـMachine learning فى معالجة اللغة يعنى باختصار الشات بوت هنا بيقوم بتدريب نفسه على قواعد البيانات وعلى المحادثات مع العميل علشان يوصل لأفضل نتيجة، وبالتالى بيقدم خدمة بجودة أعلى من النوع الأول لأنه بيقوم بتحليل سلوك العملاء واستنتاج الإجابة بدل استخراجها من الكلمات المفتاحية.
3- الشات بوت الذي يعتمد على القواعد والذكاء الاصطناعي (Rule-Based and AI-Powered Chatbot): النوع ده بقا بيجمع بين النوعين اللى فاتو لانه بيستخدم القواعد المحددة مسبقًا عشان يرد على الأسئلة، وفي نفس الوقت بيستخدم تقنيات الذكاء الاصطناعييتفاعل مع البشر ويجاوب على الأسئلة المتنوعة. وده يعتبر أكثر نوع مناسب إنك تستخدمه …
وللأسف أغلب منصات الشات بوت بتروج لنفسها على السوشيال ميديا إنها تعمل بالذكاء الإصطناعى بس مع الاسف لحد دلوقتى مفيش منصة تعمل بالذكاء الإصطناعى فى مصر إلا منصة واحدة فقط.
الشات بوت غير معتمد من الفيسبوك.
أغلب منصات الشات بوت معتمد من الفيسبوك وده بسبب إن تم بناءه عن طريق (APIs ) اللي بتوفر واجهات برمجة التطبيقات مخصصة لكل منصة، واللى تم عن طريقها بناء منصة بوت شادو.
طيب يعنى إيه الكلام المعقد دة؟ يعنى لحد وقتنا الحالى منصة Facebook بتسمح للمطورين إنهم يستخدمو أدوات أو برامج لتطوير الشات بوتات على Facebook Messenger، اللى ممكن نستخدمها لإنشاء مختلف أنواع التفاعلات مثل الردود الآلية والمحادثات التفاعلية وغيرها زى ما بنعمل فى بوت شادو.
وده إن دل فيدل على إن الشات بوت معتمد من الفيسبوك وخاضع لمراجعته. والفكره بس هى الإلتزام بسياساته.
